మంచు ఫ్యామిలీ వివాదాలు: మంచు మనోజ్ వివాదాలకు పరిష్కారం కోసం ముందుకు వచ్చినట్లు.. ట్వీట్లో చేసిన ఆసక్తికర వ్యాఖ్యలు
హైదరాబాద్, జనవరి 18: మంచు కుటుంబంలో వివాదాలు కొనసాగుతూనే ఉన్నాయి. ప్రస్తుతం కేసుల పరంపర కొనసాగుతుండగా, మంచు మనోజ్ తాజాగా చేసిన ట్వీట్ అందరి దృష్టిని ఆకర్షిస్తోంది. ఆయన చేసిన ఈ ట్వీట్ వివాదాలకు ఎండ్ కార్డ్ వేసేలా ఉన్నట్లు కనిపిస్తోంది. ఈ ట్వీట్లో, ‘రండి ఇద్దరూ కలిసి కూర్చొని మాట్లాడుకుందాం. నేను ఒక్కడినే వస్తాను. ఏ ప్లేస్కైనా వస్తాను. ఎవరినీ అడ్డం పెట్టుకుని మాట్లాడాల్సిన అవసరం నాకు లేదు. నాన్నని, మహిళలను, సిబ్బందిని అడ్డం పెట్టుకుని మాట్లాడాల్సిన అవసరం లేదు. మన వద్ద ఉన్న సమస్యకు ఒక పరిష్కారం తీసుకుందాం. ఆరోగ్యకరమైన వాతావరణంలో చర్చలు జరుపుకుందాం’ అంటూ ఆయన పేర్కొన్నాడు.
ఇక, శుక్రవారం ఓ ట్వీట్లో మనోజ్ షాకింగ్ కామెంట్స్ చేశాడు. ‘‘కన్నప్పలో రెబల్ స్టార్ కృష్ణం రాజు మాదిరిగా సింహం అవ్వాలని ప్రతి ఫ్రాడ్ కుక్కకి ఉంటుంది. ఈ విషయం నువ్వు ఇదే జన్మలో తెలుసుకుంటావ్’’ అని పోస్ట్ చేసిన మనోజ్.. ఆ పోస్టుకు విష్ణును ట్యాగ్ చేశాడు.
ఎంబీయూ ఘటనపై పరస్పర ఫిర్యాదులు:
తాజాగా తిరుపతి జిల్లా చంద్రగిరి మండలం ఎ.రంగంపేట సమీపంలోని మోహన్బాబు విశ్వవిద్యాలయం (ఎంబీయూ) వద్ద జరిగిన ఘటనపై ఇరువర్గాల ఫిర్యాదుల మేరకు పోలీసులు కేసులు నమోదు చేశారు. పోలీసులు తెలిపిన వివరాల ప్రకారం, మంచు మనోజ్ మరియు ఆయన భార్య భూమా మౌనికరెడ్డి ఈనెల 15న శ్రీవిద్యానికేతన్ విద్యాసంస్థలోకి వెళ్లేందుకు ప్రయత్నించారు. అయితే, కోర్టు ఆదేశాల మేరకు వెళ్లకూడదని పోలీసులు సూచించడంతో, వారు అక్కడి నుంచి డెయిరీ ఫామ్ వద్ద ఉన్న తన తాత, నానమ్మల సమాధుల వద్దకు వెళ్లి నివాళులర్పించారు. ఈ సమయంలో మనోజ్ అక్కడి సిబ్బందిని బూతులు తిడుతూ, రాళ్లతో దాడి చేసి, లోపలికి ప్రవేశించినట్లు మోహన్బాబు పీఏ చంద్రశేఖర నాయుడు పోలీసులకు ఫిర్యాదు చేశారు.
మరోవైపు, మంచు మనోజ్ తన భార్యతో కలిసి సంక్రాంతి పండుగకు శ్రీవిద్యానికేతన్ విద్యాసంస్థ వద్దకు వచ్చేప్పుడు, ఎంబీయూ సిబ్బంది తమపై దౌర్జన్యం చేసినట్లు ఆరోపించారు.
Also Read:
One thought on “మంచు ఫ్యామిలీ: వివాదాలకు ఎండ్ కార్డ్ వేయడానికి మనోజ్ చేసిన నిర్ణయం”
Comments are closed.